फोडणीची पोळी(Fodnichi Poli)

फोडणीची पोळी

साहित्य :

• 3-4 उरलेल्या पोळ्या,
• 1 मोठा कांदा,
• थोडेसे शेंगदाणे,
• 3-4 हिरवी मिरची,
• 1 चमचा साखर,
• 1/2 (अर्धा) निम्बु,
• 1/2 चमचा हळद,
• 1 चमचा तिखट,
• फोडणीसाठी मोहरी,जिरे,
• मीठ,
• तेल,
• कोथिंबिर

कृती :

1. प्रथम पोळीचे तुकडे करून घ्यावेत.
2. नंतर मिक्सरमधून बारीक करून घ्या.थोडे जाडसरच ठेवा.
3. नंतर कढई मध्ये फोडणीसाठी तेल गरम करून घ्या.
4. शेंगदाणे,मोहरी,जिरे,हिरव्या मिरचीचे तुकडे ,बारीक चिरलेला कांदा घाला. 
5. कांदा गुलाबसर होऊ द्या.
6. बारीक केलेल्या पोळीत तिखट,हळद,साखर, चवीपुरते मीठ व कोथिंबीर छान मिक्स करून घ्या. निम्बू रस घाला.
7. हे सर्व आता कढईत घालून छान मिक्स करुन घ्या.
8. गॅस स्लो करून झाकण ठेऊन द्या.
9. 2-3 मिनिटांनी गॅस बंद करून एक वेगळा नाष्टा म्हणून सर्व करा फोडणीची पोळी.