मिसळीचे वरण(Misaliche Varan)

साहित्य

माप (पोहे खाण्याचा चमचा)

2-3 चमचे चना डाळ
2-3 चमचे तूरडाळ
2-3 चमचे मुगडाळ
2-3 चमचे सालाची उडिद डाळ
2-3 चमचे चवळी डाळ
2-3 चमचे तांदूळ
1 (एक चमचा) आमचूर पावडर
7- 8 लसूण पाकळ्या
1/2 इंच आलं
मोहरी
जिरे
तिखट
हळद
मीठ
तेल
कोथिंबीर

कृती

प्रथम सर्व डाळी,तांदूळ एकत्र करून स्वच्छ धुवून घ्या.नंतर एक ते दीड वाटी पाणी घालून कुकरमद्ये छान शिजवून घ्या. नंतर वरण घोटून घ्या. गरज असल्यास थोडे गरम पाणी घालून सरसरे करून घ्या. गॅसवर छोट्या कढईत तेल घालून त्यात मोहरी,जिरे,लसूण आलं पेस्ट,तिखट,हळद घालून फोडणी करून वरणात वरून टाका . नंतर चवीपुरते मीठ व आमचूर पावडर घालून एक उकळी येऊ दया. वरून बारीक चिरलेली कोथिंबीर घालून सर्व्ह करा.हे वरण ज्वारीची भाकरी किंवा भात याबरोबर छान लागते.जास्त तिखट आणि आंबट चव छान लागते.